गत विहिवार वसेको अखिल नेपाल फुटबल संघ (एन्फा) को कार्यसमिति बैठकले राष्ट्रिय टिमका महिला खेलाडीलाई पनि पुरुष टिमका खेलाडीसरह समान तलब दिने निर्णय गरेको छ । यो सँगै राष्ट्रिय टिमका खेलाडीको तलब मासिक १८ हजार रुपैयाँ पुगेको छ ।
यसअघि एन्फाले पुरुष टिमका खेलाडीलाई मासिक १५ हजार र महिला खेलाडीलाई ७ हजार दिइरहेको थियो । अन्तर्राष्ट्रिय फुटबल महासंघ (फिफा) को महिला खेलाडीको सेवा–सुविधामा आमूल परिवर्तन गर्ने अभियानपछि एन्फाले पनि महिला खेलाडीको तलब वृद्धि गरी पुरुषको बराबर बनाउने निर्णय गरेको हो । यसबाट सिनियर राष्ट्रिय टिमका खेलाडीलाई प्रत्यक्ष फाइदा पुग्नेछ ।